LA PLAZA DE TOROS DE OVIEDO, AJENA A LOS OVETENSES

David M. Rivas

Protesten dalgunos porque la plaza toros d’Uviéu, tando catalogada como bien d’interés cultural (BIC), tea fecha una llaceria, tomada pola maleza y yá con arbolinos. Pues teniendo en cuenta que fora declarada BIC a propuesta d’un ayuntamientu taurín y flamenquista (PP), pez que nun tinía tantu “interés cultural”. Seya “bic naranxa”, seya “bic cristal”, el casu y que los uvieínos nun son de tauromaquia y la plaza ta como ta porque nun van a esi espectáculu. Nun forma parte de la cultura asturiana y, polo tanto, del nuesu “interés cultural”. Y si la plaza de Xixón aguanta ye, subvenciones municipales aparte de gobernantes taurinos (PSOE), porque les fiestes son n’agostu ya’l turismu tira de la demanda. Yá Xovellanos escribiera que espectáculu talu yera ayenu a los asturianos y, antitaurín visceral, consiguiera que Carlos IV lo prohibiera, midía que durara ata la llegada de Fernando VII. Insisten no mesmo Palacio Valdés y Pérez d’Ayala, por citar, y Teodoro Cuesta tien un poema nel que describe la revoltura que-y diera l’espectáculu ya’l despreciu que-y produxera un pueblu que nun entiende la fiesta ensín sangre. Y Clarín, cuando derribaron la plaza vieya, falo de memoria, escribiera: “esti pueblu d’Uviéu amosara otra vuelta la so cultura”.

DdA, XVI/4638