David M. Rivas
Güei
vino a veme Veli, vecín d’Argañosu. Anque ta mui bien, con 89 años nun
yera pa dir a dispidir a mio padre. Charramos y tomamos un bourbon. Ye
un gran paisanu. Y volviera a falar de lo de siempres: el so padre,
Ovidio, republicanu, cayera embaxo la metralla de los aviones nazis en
Cangues d’Onís, como atestiguaran amigos y contrarios. Y malos vecinos
dicíen que taba escondíu nuna cabaña d’Argañosu, que lu vieran, que
toparan con elli. Y la so madre, con cincu neñinos, diba tardi tres
tardi al cuartel de la guardia civil pa declarar. Vuelta pa casa, unos
cincu kilómetros, y non munches vegaes en bones condiciones. Veli nun
sabe ónde ta tiráu Ovidio, como yo tampoco lo sé de Xosé, mio güelu.
DdA, XV/4310
No hay comentarios:
Publicar un comentario