David M. Rivas
Tolos
artículos que lleí, tolos comentarios en radio y televisión, toles
declaraciones institucionales inciden en que los Premios Princesa ye’l
gran día d’Uviéu. Dalgunos van más alló y dicen que ye de toa Asturies.
En fín, que la morciella nun ye tocín. Un congresu científicu de mélicos
llevó a Xixón al “nun hai habitaciones” nos hoteles. ¿Pasara eso
n’Uviéu cuando los premios? Cuando esi congresu yera complicao reservar
mesa nos principales restoranes de la villa. ¿Pasara lo
mesmo cuando los premios na capital? En cálculos de PIB, pa los
asturianos estos premios son gastos ensín ingresos. Eso ye perda nuna
simple cuenta d’esplotación. Si nun hubiera Premios Nobel, ¿naidie
sabría d’Estocolmo? Ye más: ¿cuántes primeres páxines dedicaran xornales
como “The Times”, “The New York Times”, “Le Figaro”, “Le Monde”, o
portaes “Time” o “Der Spiegel” a la pachangada borbónica… Denguna. Ye
más, el “New York” dedicó un espaciu a la muerte de Quini ya entá tamos
esperando por una columnina pa los Premios Princesa. Ya, aínda más, nos
medios serios (non nes redes) Asturies tien más referencies pol
Intecelticu de Lorient que polos Prremios Princesa. Eso sí, los
provincianos tan percontentos porque pueden amosar el so servilismu y la
so incultura una vegada al añu en dalgún periódicu de Madrid. Nos
medios asturianos ya lo faen tolos díes.
DdA, XV/4315
No hay comentarios:
Publicar un comentario