David M. Rivas
Adrián
Barbón, supongo que lleváu pola euforia de les xornaes princesines, diz
que “Asturies ye un exemplu de paz, convivencia y futuru”. Nun pido a
un presidente que sepa de tóo, pero, polo menos, que nome asesores y
directores xenerales que conozan les estadístiques. El país más avieyáu
d’Europa, el de mayor emigración de mozos cualificaos, ún de los que
carecen mayor desllocalización industrial y mayor númberu de conflictos
llaborales, un país onde se prohíbe falar la llingua
propia (inclusive a un miembru del gobiernu de Barbón nel parllamentu),
un país nel que vivir nes aries rurales ye una tortura. ¡El futuru debe
ser eso! A doscientos metros del Teatru Campoamor hai una catedral
tomada por obreros engañaos por una multinacional y pol gobiernu
d’Asturies, del partíu de Barbón. Pero, nada ho, tire vusté, que llibra,
que yá sabemos que los problemes de la FSA tan na Via Laietana.
DdA, XV/4311
No hay comentarios:
Publicar un comentario