David M. Rivas
El Tribunal Supremu ratifica la conderga de tres años y mediu de cárcele a "les seyes de La Suiza", sindicalistes de la CNT asturiana. Bastantes xuristes falen de dalguna qu'otra irregularidá procesal pero lo verdaderamente grave ye'l fondu sociollaboral. La conderga ye por manifestase recurrentemente delantre la empresa y por poner pasquinos y cartelos pel centru de Xixón. Esta sentencia ye un precedente, que crea xurisprudencia, pa poder encarcelar a cualisquier trabayador pol simple fechu de manifestase en casu d'un problema llaboral. Llama l'atención qu'esta sentencia coincida nel tiempu col desbloquéu del Conseyu Xeneral del Poder Xudicial, que paecía cosa imposible dende hai cincu años, mientres la derogación de la "llei mordaza", tan importante, decíen, pal "gobiernu de progresu", va quedar "ad calendas graecas". El xixoniegu Pablo Álvarez Meana, de la familia propietaria de La Suiza, cellebrara nes redes la conderga de los "reos anarquistes", un llinguax que paez sacáu de la película "Sacco y Vanzetti". Esti home, que denunció a Pedro Sánchez en 2020 por alta traición, vive en Bonos Aires, onde trabaya pal gobiernu de Milei. La so biografía puede vese na revista "Nortes", nun detalláu artículu de Diego Díaz Alonso.
DdA, XX/5.691
No hay comentarios:
Publicar un comentario