Lo de Xixón güei ye demencial. Mientres los aviones militares percuerren el cielu, el coche ocupa hasta l’últimu requexu de la ciudá, tapando (como na semeya) les entraes preparaes pa meter ambulancies en casu d’emerxencia. Lo peor, que también menciona el artículo, es la posibilidad de que alguna vez pueda ocurrir un grave accidente al hacerse los vuelos tan cerca de las edificaciones.
Inaciu Galán
Lo de Xixón güei ye demencial. Mientres los aviones militares percuerren el cielu, el coche ocupa hasta l’últimu requexu de la ciudá, tapando (como na semeya) les entraes preparaes pa meter ambulancies en casu d’emerxencia.
El carril bici d’El Muro ta cortáu en varios cachos nel día que más falta fai que la xente se mueva en bici. Circular per él ye cuasi imposible, pues ta ocupáu ensin nengún control por persones sentaes y de pies nel espaciu. La “playa verde” y otros espacios tomaos pol coche con total impunidá, pues el gobiernu de Moriyón ye’l gobiernu por y pa los coches.
La xente nun se pue tampoco bañar na playa en trés díes d’unu de los branos más calorosos de la hestoria. L’absurdo.
Mientres el mundu (y mui cerca d’equí de forma dramática) quema ensin control pol cambiu climáticu, equí facemos oyíos xordos y quemamos tonelaes de combustible. Amás pasen con un helicópteru con un balde p’apagar incendios, ¿de verdá equí ye onde más falta fai agora?
Mientres tantos muerren embaxo les bombes, equí facemos espectáculu d’ello, nuna ciudá como Xixón, que vivió non va tantes décades los bombardeos de civiles. Del día más cruel, el «vienres negru» (con decenes de muertos), un 14 d’agostu de 1936, va facer en pocos díes 90 años. D’ello tovía nos falaron los nuesos güelos.
Mientres tanto, animalinos y persones con necesidaes especiales viven güei un infiernu d’ansiedá col ruíu de los aviones que nos ponen en peligru d’accidente volando a escasos metros d’edificios.
Güei siento pena y vergoña de ver esto en Xixón.
DdA, XXII/6418
No hay comentarios:
Publicar un comentario