David M. Rivas
Nun sabía yo que Menchu Álvarez del Valle tinía tantos espertos na so vida ya obra, nin que tantos periodistes asturianos la consideraben la so mayestra ya'l so modelu profesional. Dalguno hai que lo diz siendo verdá. Yo, polo menos, conozo a ún que trabayó de xoven con una Menchu yá mayor y siempres faló bien d'ella. Tamién los profesionales de fuera tan maravillaos y, sin dir más lloñe, nun periódicu madrilanu resaltaben el servilismu de la prensa asturiana haza "la señora" (haza la ñeta, evidentemente), nunos medios que nunca-y prestaran atención dende van años. Yo sabía de Menchu Álvarez del Valle de cuando rapaz porque mio madre sí que la conocía y dicía que yera simpática y bona llocutora. Pero nunca supe que yera feminista, pionera na llibertá d'espresión, exemplu de reporterismu, guionista ya escritora de primera. Bono, ta bien descubrilo agora de la manu de grandes reporteros, adalides de la llibertá d'espresión, pulitzers del país, cronistes de la meyor prensa y, por supuesto, nada mariellos, nin sensacionalistes, nin del duernu, nin de nada d'eso. Bono ye sabelo de manu de grandes profesionales que nos últimos tiempos siempres quisieron tar cerca d'ella... de la ñeta.
DdA, XVII/4910
No hay comentarios:
Publicar un comentario